Qulsarydan bir táýlikte 200 myń tekshe metrge jýyq sý sorylǵan

<p>ASTANA. KAZINFORM &ndash; Tótenshe jaǵdaılar mınıstrliginiń ókili Shárip Asqar ortalyq kommýnıkatsııalar qyzmetinde ótken brıfıngide tasqynmen kúrestiń sońǵy derekterin málim etti.</p>

«Atyraý oblysynyń Qulsary qalasynda, Soltústik Qazaqstan oblysynyń Petropavl qalasy men Qyzyljar aýdanynda sý basqan aýmaqtardan sý sorý jumystary táýlik boıy jalǵasyp jatyr. Ózenderdegi sý deńgeıine monıtornıng júrgizilýde. Ótken táýlikte Qulsary qalasynda 192 766 tekshe metr sý soryldy. Búgin 6 saǵatta 75 úıden sý burylyp, sý soryldy. Ótken táýlikte Petropavl qalasy men Qyzyljar aýdanynda 91 180 tekshe metr sý soryldy. Jalpy sońǵy 5 kúnde sý basqan 907 úı men 134 aýla aýmaǵynan sý soryldy», - dedi ol.

Aıtýynsha, el aýmaǵynda 8 453 turǵyn úı men 2 994 aýla aýmaǵynan sýdyń baǵyty burylyp, sý sorylǵan.

«48 998 adam óz úıine oraldy. Avarııalyq-qutqarý jáne sý tasqynyna qarsy jumystarǵa 14 374 adam, 1 436 tehnıka, 310 sý sorý quraly jáne 69 júzý quraly, 5 áýe kemesi jumyldyryldy», - dedi Asqar Shárip.