Qulsarydaǵy sý tasqynynan zardap shekken 3740 otbasyǵa bir rettik tólem berildi

<p>ATYRAÝ. KAZINFORM &ndash; Atyraý oblysynyń Qulsary qalasyndaǵy sý tasqynynan zardap shekken 3 740 otbasy bir rettik tólem aldy.&nbsp;</p>

Atyraý oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy Azamat Mámbetovtiń málimetinshe, 3 906 otbasynan birjolǵy tólem alýǵa ótinish túsken. 

«Sý tasqynynan zardap shekken otbasylarǵa 100 aılyq eseptik kórsetkish mólsherinde bir rettik áleýmettik tólem berý jóninde sheshim qabyldanǵan edi. Osyǵan baılanysty qazir Jylyoı aýdandyq jumyspen qamtý jáne áleýmettik baǵdarlamalar bóliminiń qyzmetkerleri otbasylardan ótinish qabyldaýdy jalǵastyryp jatyr. Osy kezge deıin Jylyoı aýdanynda zardap shekkeni dáleldengen 3 740 otbasyna 100 aılyq eseptik kórsetkish mólsherinde bir rettik tólem berildi. Tólengen qarjy 1 mlrd 380 mln teńgeden astam somany quraıdy», - dep habarlady Azamat Mámbetov.

Eske sala ketelik, buǵan deıin Sý basqan Qulsarynyń 686 turǵyny áli de evakýatsııalyq pýnktterde turyp jatqanyn habarlaǵan edik.