Qulsarydaǵy ortalyq aýdandyq aýrýhananyń jumysy qaıta jandandy

<p>ASTANA. KAZINFORM - Atyraý oblysy Jylyoı aýdanynyń Qulsary qalasy sý tasqynynan qatty zardap shekti. Qazirgi kezde qalpyna keltirý jumystary belsendi júrgizilýde. Bul týraly OKQ alańynda ótken brıfıngte óńir ákiminiń baspasóz hatshysy Rýslan Jumaǵazıev aıtyp berdi.&nbsp;</p>

Eń aldymen, qalada sý sorý jumystary jalǵasýda. 18 sáýirdegi jaǵdaı boıynsha 10 myń tekshe metrden astam sý soryldy, al sorylǵan sýdyń jalpy kólemi 521 myń tekshe metrdi quraıdy. 

«Sondaı-aq Qulsary qalasynda erigen qar sýy sorylǵan aýmaqtardy dezınfektsııalaý jumystary bastaldy. Jylyoı aýdanynyń bas sanıtarlyq dárigeriniń aqparaty boıynsha, №2 jáne Novostroıka shaǵyn aýdandarynda aýla aýmaqtary men kireberisterdi óńdeý jumystary aıaqtaldy. 18 sáýirde Dostyq shaǵyn aýdanyndaǵy №19 orta mektep, №3 60 páterli úı, sondaı-aq aýdandyq sot ǵımarattary, Beısenqulov kóshesindegi úıler elektr qýatyna qosyldy. Búginnen bastap Qulsary qalasynyń ortalyq aýdandyq aýrýhanasy óz jumysyn jandandyrdy», - dedi spıker.

Sý tasqynynan zardap shekkenderge birjolǵy materıaldyq kómek tóleý jalǵasýda. 18 sáýirdegi jaǵdaı boıynsha 3137 ótinish qabyldandy. 1324 otbasy tólem aldy.