Qulsaryda sýǵa batyp bara jatqan 9 bas jylqy qutqaryldy
02:29, 23 Sáýir 2024
<p>QULSARY. KAZINFOM — Atyraý oblysy Jylyoı aýdany Qulsary qalasynda qutqarýshylar jylqylardyń ómirine arasha tústi. Bul jaıynda Atyraý oblysy TJD qoǵammen baılanys toby habarlady. </p>
22 sáýir saǵat 17:00 kezinde Jylyoı aýdany Qulsary qalasynda jınalǵan sýdyń ortasynan shyǵa almaı qalǵan jylqylar jóninde habar túsken.
Qutqarýshylar dereý oqıǵa ornyna attanyp, ýaqtyly jetti.
Olar jylqylardy sýdan shyǵaryp, 9 bas maldy qaýipsiz jerge aıdady.
Zardap shekkender joq.
Qutqarý jumysyna 3 qyzmetker, bir tehnıka jáne qaıyq jumyldyrylǵan.
Eske sala ketelik, budan buryn Atyraý oblysynda jaǵalaýǵa 2,7 mln qum toltyrylǵan qap tóselgenin habarlaǵan edik.
Sondaı-aq, Atyraý oblysynyń BQO-men shekaradaǵy Baǵyrlaı kanalyna mol sý keldi.
Qulsary qalasynan 887 myńnan astam tekshe metr sý soryldy.