Qulsaryda sý tasqynynan zardap shekken kásipkerlerge 2,6 mlrd teńge ótemaqy taǵaıyndaldy
Atyraý oblystyq kásipkerlik jáne ónerkásip basqarmasynyń bólim basshysy Sáttiǵul Sabyrovtyń aıtýynsha, óńirlik komıssııa músheleri tasqyn sýdyń saldarynan 300 kásipkerlik nysannyń búlingenin anyqtaǵan.
«Qazir Qulsary qalasyndaǵy tasqyn sýdan zardap shekken kásipkerlerge ótemaqy tóleý júrip jatyr. Osy kezge deıin óńirlik komıssııanyń 15 otyrysy ótti. Sonyń nátıjesimen 288 kásipkerdiń ótinishi qanaǵattandyryldy. Kásipkerlerge ótemaqy tóleý úshin 2,6 mlrd teńge taǵaıyndaldy», - dep habarlady Sáttiǵul Sabyrov.
Onyń málimetinshe, 42 kásipkerdiń ótinishi Ulttyq ekonomıka mınıstrliginiń buıryǵyna sáıkes 10 jeltoqsanǵa deıin qaralady.
«Shyǵyndardy esepteý jumysyna 13 baǵalaý kompanııasynan 58 maman tartyldy. Nysandary búlingen kásipkerler eseptelgen ótemaqyǵa qatysty shaǵym túsirgen joq», - dep málim etti Sáttiǵul Sabyrov.
Eske sala ketelik, budan buryn Qulsary halqyna úı satyp alýǵa, jóndeýge 70 mlrd teńge aýdarylǵanyn jazǵan edik.
Sondaı-aq Qulsaryda sý tasqynynan zardap shekkender úshin jańa shaǵyn aýdan salynyp jatqanyn habarlaǵan bolatynbyz.