Qulsaryda sport mektebiniń bas esepshisi 55,3 mln teńgeni zańsyz aýdarǵan

<p>ATYRAÝ. KAZINFORM &ndash; Atyraý oblysynyń Qulsary qalasyndaǵy sport mektebiniń bas esepshisi birneshe jyl boıy 55,3 mln teńgeni zańsyz aýdarǵany anyqtaldy.&nbsp;</p>

Atyraý oblystyq ishki memlekettik aýdıt departamenti basshysynyń orynbasary Zoıa Saparovanyń aıtýyna qaraǵanda, Jylyoı aýdanynyń ortalyǵy – Qulsary qalasyndaǵy №2 balalar-jasóspirimder sport mektebine aýdıtorlyq is-shara júrgizilgen. 

– Aýdıttiń nátıjesinde jalpy somasy 55 mln 354,7 myń teńgeniń qarjylyq buzýshylyǵy anyqtaldy. Mektep basshysynyń tarapynan qarjynyń jumsalýyna tıisti qadaǵalaý júrgizilmegeen. Ásirese mekteptiń banktik esepshoty arqyly júrgizilgen operatsııalardyń durystyǵy qamtamasyz etilmegen. Mekemeniń bas esepshisi 2020-2024 jyldary aralyǵynda eńbekaqy, is-saparǵa shyǵý, eńbek demalysy jáne saýyqtyrý qarjysyn tóleýge buıryqtar rásimdelmese de, negizsiz aýdaryp jibergen, - dep málim etti Zoıa Saparova.

Onyń aıtýyna qaraǵanda, anyqtalǵan buzýshylyqtarǵa baılanysty bas esepshige qatysty qylmystyq is qozǵalǵan. Sot zańsyz aýdarylǵan qarjyny qaıtarýdy mindettegen sheshim shyǵarǵan. 

Eske sala ketelik, Atyraýda 2 balabaqsha esepshileri bıýdjet qarjysyn jeke esepshotqa aýdaryp jibergenin jazǵan edik. 

Keıin Atyraýda mektep esepshisi jalaqy qorynan 32,6 mln teńgeni óz esepshotyna aýdarǵanyn habarlaǵan bolatynbyz.