Qulsaryda ómirge kelgen egiz ul Beıneý aýrýhanasyna jetkizildi

<p>ATYRAÝ. KAZINFORM — Jem ózeniniń tasqyn sýy basqan Qulsary qalasynda egiz ul dúnıege keldi.</p>

Atyraý oblysy ákimdiginiń málimetinshe, nárestelerdiń anasy Qulsary qalasyndaǵy Jylyoı aýdandyq ortalyq aýrýhansynda bosanǵan.

Alaıda, náresteler qaýipsizdik maqsatynda jedel járdem kóligimen Beıneý aýdandyq aýrýhanasyna jetkizilgen.

«Qazir nárestelerdiń jaǵdaıy birqalypty. Egiz ul — jas otbasynyń tórtinshi jáne besinshi balasy. Sábılerdiń boıy — 52 sm. Ekeýiniń salmaǵy birdeı emes. Bireýiniń salmaǵy — 3500, ekinshisiniń salmaǵy — 3350 gramm» dep málim etti oblystyq ákimdikten.

Eske sala ketelik, buǵan deıin tasqyn sý Atyraý oblysyndaǵy Qulsary qalasyna kire bastaǵanyn jazǵan edik.

Qulsary qalasynda 2 500 úıdi tasqyn sý basyp, 4000 adam, onyń ishinde 1 myńnan astam bala kóshirildi.

Qulsaryda ákimdik, áleýmettik nysandar men ortalyq stadıon sý astynda qaldy.