Qulsaryda qaraýsyz qalǵan úılerdi 110 polıtseı men 60 sarbaz qadaǵalap júr

<p>ATYRAÝ. KAZINFORM — Atyraý oblysynda sý basqan Qulsary qalasyndaǵy qaraýsyz qalǵan úılerdi 110 polıtseı men 60 sarbaz qadaǵalap júr.</p>

Atyraý oblystyq polıtsııa departamentiniń baspasóz qyzmetiniń málimetinshe, tártip saqshylary men Ulttyq ulan áskeri Qulsary qalasyndaǵy qaýipsizdikti qamtamasyz etý maqsatynda úzdiksiz patrýldeýge kirisken. 

«Polıtsııa qyzmetkerleri Qulsary qalasynda qoǵamdyq qaýipsizdikti qamtamasyz etý, quqyq buzýǵa jol bermeý maqsatynda tıisti is-sharalardy qolǵa aldy. Oǵan 110 polıtseı men Ulttyq ulannyń 60 sarbazy tartyldy. Jylyoı aýdandyq polıtsııa bóliminiń jedel basqarý ortalyǵyndaǵy beınekameralar arqyly tasqyn sý basqan kóshelerge baǵyt alǵan kólikter men turǵyndar tekseriledi. Turǵyndarǵa túsindirý jumystary júrgizilip jatyr», -dep habarlady departamenttiń baspasóz qyzmeti.

Polıtsııa qyzmetkerleriniń arasynda 10 kúnnen beri úıine barmaǵandar bar. 

Keıbiri sý tasqynyna baılanysty Qyzylqoǵa aýdanyna kómekke barǵan. Keıin Qulsary qalasyna kelgen. 

Eske sala ketelik, budan buryn Atyraý oblysynda tótenshe jaǵdaı jarııalandy.

Atyraýdyń Jylyoı aýdanynan evakýatsııalanǵan halyq sany 31 myńnan asty.