Qulsaryda dezınfektsııalaý jumystary bastaldy
10:34, 06 Mamyr 2024
<p>ASTANA. KAZINFORM – Atyraý oblysy Qulsary qalasynda tasqyn sý saldarymen kúres jumystary jalǵasyp jatyr.</p>
«Atyraý oblysynyń Qulsary qalasynda motopompalardyń jáne jyljymaly sorǵy stantsııalardyń kómegimen qalǵan sý basqan 20 úıden sý sorý jumystaryn jalǵastyrylýda. Tótenshe jaǵdaılar mınıstrliginiń 20982 áskerı bóliminiń áskerı qyzmetshileri Qulsary qalasynda dezınfektsııalaý jumystaryn júrgizýde», - dedi Tótenshe jaǵdaılar mınıstrliginiń resmı ókili Asqar Shárip Ortalyq kommýnıkatsııalar qyzmeti alańynda ótken baspasóz máslıhatynda.
Keshe Qulsary qalasynda 100-den astam úı áli de sý ortasynda turǵany týraly habarlaǵan edik.
Buǵan deıin Qulsary qalasynan bir kúnde 975 tonna qoqys qaldyǵy shyǵarylǵany aıtyldy.
Aıta keteıik, Qulsary qalasynda turatyn 3 myńnan astam oqýshy jazǵy lagerlerde demalady.