Qulsaryda áli 2748 úı sýda tur

<p>ASTANA. KAZINFORM &ndash; Atyraý oblysy Tótenshe jaǵdaılar departamenti baspasóz qyzmetiniń resmı ókili Aısulý Keldiǵalıeva óńirdegi tasqynnan eń kóp zardap shekken Jylyoı aýdanyndaǵy jaǵdaı týraly málimet usyndy.</p>

«Jylyoı aýdanyndaǵy ahýal tótenshe jaǵdaılar qyzmetiniń qatań baqylaýynda. Qulsary qalasynda Jem ózeniniń sý deńgeıi táýlik ishinde 20 santımetr tómendedi. Jalpy tasqyn bastalǵannan beri 136 santımetr tómendegenin aıtý kerek. Barlyq qyzmetter kúsheıtilgen rejımde jumys istep tur», - dedi ol ortalyq kommýnıkatsııalar qyzmetinde ótken brıfıngide.

Aıtýynsha, tasqyn saldaryn joıý úshin aýdanda 229 tehnıka, 3 066 adam, 17 júzý quraly, 31 motorly sý sorǵysh jumyldyrylǵan. 

«Qazirgi tańda Qulsary qalasynda 2748 turǵyn úı men ǵımarat áli sý astynda tur. Bul úılerden sý sorý jumystary júrip jatyr. 

Tasqyn bastalǵannan beri Jylyoı aýdanynda 30 myń tekshe metrden astam sý sorylyp, 190 myńnan astam qumqap tóseldi, 200 myń tonnadan astam ınertti materıal quıyldy», - dedi Aısulý Keldiǵalıeva.