Qulsaryda 105 myńnan astam tekshe metr topan sý soryldy
16:28, 29 Sáýir 2024
<p>ASTANA. KAZINFORM – Atyraýda Jaıyq ózeniniń sý deńgeıin baqylaý jumysy jalǵasyp, bógetter nyǵaıtylýda. Bul týraly Tótenshe jaǵdaılar mınıstrliginiń resmı ókili Asqar Shárip málim etti.</p>
«Atyraý oblysynda Jaıyq ózeni sý deńgeıine monıtorıng jalǵasýda. Sonymen qatar ózen boıyndaǵy bógetterdi nyǵaıtý jumystary júrip jatyr. Tańerteńnen beri Atyraý qalasy men Inder, Mahambet, Isataı, Qurmanǵazy aýdandarynda 18 myń qap tóselip, 70 tonna ınertti materıal salyndy. Qulsary qalasynda sý basqan aýmaqtan jyljymaly sorǵy stantsııasy men motopompa kómegimen 105 myńnan astam tekshe metr sý soryldy», - dedi Asqar Shárip Ortalyq kommýnıkatsııalar qyzmeti alańynda ótken baspasóz máslıhatynda.
Buǵan deıin Atyraýda dronnyń kómegimen Jaıyq sýyna monıtorıng júrgizilip jatqany týraly habarlaǵan edik.