Qulsary turǵyndary alaıaqtardyń kóbeıgenine alańdap otyr
Bul týraly Atyraý oblysy ákiminiń orynbasary Jasulan Bısembıevtiń tóraǵalyǵymen quqyq buzýshylyqtyń aldyn alý jáne sybaılas jemqorlyqqa qarsy is-qımyl máseleleri jónindegi vedomostvoaralyq komıssııanyń kezekti jıynynda aıtyldy.
Atyraý oblystyq polıtsııa departamenti bastyǵynyń birinshi orynbasary Ábdiǵanı Seıdýalıevtiń aıtýynsha, polıtsııanyń servıstik modeline kóshý jobasy engizilgen.
«Bul joba qoldanysqa engizilgeli beri Qyzylqoǵa aýdanynda qylmystyń túrleri azaıǵan. Al, Jylyoı aýdanyndaǵy Qulsary qalasynyń turǵyndaryn alaıaqtyq áreketter alańdatyp otyr. Bul baǵytta turǵyndarmen jıi kezdesip, nátıjesinde atalǵan qylmystyń tirkelýi tómendegenin baıqadyq. Qylmystyń sebebin, oǵan kimder baratynyn anyqtadyq. Ony bas bostandyǵynan aıyrý mekemelerinen bosaǵandar jáne maskúnemdikke, nashaqorlyqqa shaldyqqan tulǵalar jasaıtyny belgili boldy. Sol sebepten, basqarmalarmen birlesip osyndaı tulǵalardy psıhologııalyq-áleýmettik turǵydan qoǵamǵa beıimdeý maqsatynda ortalyq ashyp, ári qaraı olardy jumyspen qamtamasyz etýdi usynamyn», - dedi Ábdiǵanı Seıdýalıev.