Qulsary qalasyndaǵy jappaı tóbeles: jaraqat alǵan bir jasóspirim kóz jumdy

<p>ATYRAÝ. KAZINFORM &mdash; Atyraý oblysyndaǵy Qulsary qalasynyń jastary taǵy da toptalyp tóbelesti. Toptyq tóbeles kezinde jaraqat alǵan bir jasóspirim aýrýhananyń jansaqtaý bóliminde qaıtys bolǵan.</p>

Atyraý oblystyq polıtsııa departamenti baspasóz qyzmetiniń málimetinshe, toptyq tóbeles 19 qańtarda túngi mezgilde bolǵan.

«Jylyoı aýdanynyń ortalyǵy — Qulsary qalasynda túngi saǵat 03:05 shamasynda toptyq tóbelestiń bolǵany anyqtaldy. Aýdandyq polıtsııa bóliminiń qyzmetkerleri jedel-izdestirý sharasyn júrgizdi. Quqyq buzýshylyqqa qatysy bar kúdiktilerdiń bári ustalyp, polıtsııa bólimine jetkizildi», - dep habarlady departamenttiń baspasóz qyzmeti.

Toptyq tóbelestiń saldarynan 3 adam túrli dene jaraqatymen Jylyoı aýdandyq ortalyq aýrýhanasyna jetkizilgen. Onyń biri — 2006 jylǵy jasóspirim aýrýhananyń jansaqtaý bóliminde kóz jumǵan.

«Polıtsııa qyzmetkerleri toptyq tóbeleske baılanysty 2000 jáne 2007 jyly týǵan kúdiktilerdi qamaýǵa aldy. Qazir kúdiktilerge qatysty sotqa deıingi tergeý amaldary bastaldy. Sot-medıtsınalyq saraptama taǵaıyndaldy», - dep málim etti departamenttiń baspasóz qyzmeti.

Eske sala ketelik, buǵan deıin Atyraýda kóshedegi tóbelesten 30 jastaǵy jigit kóz jumǵanyn habarlaǵan bolatybyz.