Qulsary qalasynda úsh jyl salynǵan 75 oryndyq aýrýhana ashyldy

<p>Atyraý oblysynyń Qulsary qalasynda úsh jyl buryn qurylysy bastalǵan ortalyq aýrýhana paıdalanýǵa berildi, dep habarlaıdy <a href="Kazinform." target="_blank" rel="noopener">Kazinform.</a></p>

Qulsary – Jylyoı aýdanynyń ortalyǵy ári Atyraý oblysyndaǵy jalǵyz monoqala. Munda 65 myńnan astam adam turady. 

«Memleket basshysy Qasym-Jomart Toqaev turǵyndarǵa sapaly medıtsına qyzmet kórsetý tapsyrmasyna sáıkes 2020 jyly Qulsary qalasynda jańa aýrýhananyń qurylysy bastalǵan edi. Aýrýhananyń qurylysy úsh jyl júrgizildi. Osy kezge deıin aýdan turǵyndary dárigerden em alý úshin Atyraý qalasyna baratyn edi. Jańa aýrýhanynyń ashylýymen bul qıyndyqtyń bári umytylady. Aýrýhana zamanaýı qural jabdyqtarmen qamtyldy. Endi kadr máselesin ońynan sheshý úshin bilikti dárigerlerdi tartýymyz qajet. Oblysta qalaǵa jumysqa kelgen mamandarǵa 3 mln, aýyldarǵa barǵan jas dárigerlerge 5 mln teńgege deıin bir rettik ústemeaqy beriledi», - dedi oblys ákimi Serik Shápkenov. 

Jańa aýrýhanada 55 oryndyq negizgi korpýs, 10 oryndyq balalar jáne 10 oryndyq ınfektsııalyq bólimshe bar. Emdeý orny MRT, tsıfrlyq rentgen, sońǵy úlgidegi ÝZI apparaty, ota jasaýǵa arnalǵan laporoskopııalyq qondyrǵymen jabdyqtalǵan. Barlyq palataǵa kópfýnktsıonaldy kereýetter ornatylǵan. Sondaı-aq jańa nysanda ashana ǵımaraty, 3 avtokólikke arnalǵan garaj, transformatorlyq qosalqy stantsııa, baqylaý-ótkizý pýnkti, medıtsınalyq qaldyqtardy kádege jaratý jáne qoqys jınaý nysany salynǵan. Derbes dızeldi elektr stansasy, aýyz sý rezervýary bar. Nysannyń bári sanıtarlyq erejeler men talaptarǵa saı, zamanaýı úlgide salynǵan.