Qulsary qalasynan 3 mln tekshe metr tasqyn sý soryldy
12:44, 01 Mamyr 2024
<p>ATYRAÝ. KAZINFORM – Jylyoı aýdanynyń ortalyǵy – Qulsary qalasynan sorylǵan tasqyn sýdyń kólemi 3 mln tekshe metrdi qurady.</p>
Atyraý oblysynyń jedel shtabynan málim etkendeı, Qulsary qalasynyń aýmaǵyn qurǵatý jumysy jalǵasyp jatyr.
«Qazir tasqyn sýdy sorý jumysyna 222 adam, 97 arnaıy tehnıka, 2 júzý quraly, 43 motopompa, 4 AEM-500 qurylǵysy tartylyp otyr. Turǵyn úıler men nysandardan sorylǵan sýdyń jalpy kólemi 3 mln tekshe metrge jetti» -dep habarlady oblystyq jedel shtabtan.
Sondaı-aq, Qulsary qalasynda elektr jelileri men gazben jabdyqtaý qurylǵylaryn qalpyna keltirý jumysy júrgizilip jatyr. Bul maqsatta 4 brıgada men 5 arnaıy tehnıka tartylǵan.
Eske sala ketelik, budan buryn Tasqyn sý basqan Qulsaryda 12 myńǵa jýyq adam óz úıine oralǵanyn habarlaǵan edik.