Qulsary qalasyn basqan tasqyn sýdan 9 ret synama alynǵan
Jylyoı aýdandyq sanıtarııalyq-epıdemıologııalyq baqylaý basqarmasynyń basshysy Talǵat Habıbýllınniń aıtýynsha, ýaqytsha evakýatsııalaý pýnktterinen jáne sý berý kózderinen kún saıyn synama alynyp otyr.
«Osy kezge deıin tamaq ónimderinen 133 synama alyndy. Qulsary qalasyndaǵy ortalyqtandyrylǵan sýmen qamtamasyz etý júıesinen 118 synama alynyp, taldaýǵa tapsyryldy. Sýdyń túsine baılanysty 4 sáıkessizdik anyqtaldy», - dedi Talǵat Habıbýllın.
Onyń aıtýyna qaraǵanda, sýdan mıkrobıologııalyq zertteý úshin alynǵan 122 synamadan sáıkessizdik anyqtalǵan joq.
«Jylyoı aýdanynyń aýmaǵyndaǵy tasqyn sýdan 9 synama alynǵan edi. Taldaýdyń qorytyndysymen Enterovırýs, VGA, Rotavırýs teris nátıjesin kórsetti. Qazir 7 synamany taldaý jalǵasyp jatyr», - dep málim etti Talǵat Habıbýllın.
Eske sala ketelik, budan buryn Jylyoı aýdanynan 1942 otbasy bir rettik áleýmettik kómek alýǵa ótinish bergenin habarlaǵan bolatynbyz.