Olıgarhtar Qazaqstan sportyna zııanyn tıgizip jatyr – Erlan Saıyrov
«Qazaqstan sportynan olıgarhtardyń barlyq baılanysyn alyp tastaýymyz kerek. Olar Qazaqstan sportyna kersinshe zııanyn tıgizip jatyr. Bul máseleni qalaı sheshe alamyz? Quzyrly mınıstrliktiń olıgarhtardy sporttan qýyp jiberýge kúsh-jigeri bola ma? Olıgarhtar, olardyń aınalasyndaǵy týystary, dostary elimizde ártúrli federatsııa ashyp, Qazaqstan bıýdjetiniń qarjysyn toz-tozyn shyǵardy», - dedi depýtat.
Onyń dereginshe, sońǵy 4 jyldyń ishinde elimizdiń joǵary jetistik sporty kórshiles elderden qalyp barady.
«Nege? Qazaqstan sportqa jalpy 1 mlrd dollar bóledi. Al Orta Azııadaǵy basqa elder mundaı somany túsinde de kórmegen. Biraq, olardyń jetistigi joǵary. ıAǵnı, 1 mlrd dollar elimizde talan-tarajǵa túsip otyr. Sondyqtan eń aldymen sportty damytqan kezde olımpıadalyq sport túrlerine ǵana bıýdet qarajatyn bólý kerek. Ekinshiden, ulttyq sport túrlerine berý qajet. Basqa federatsııalar jumys istegisi kelse, onda bıýdjetten tys kózderden qarjy tartyp, jumys isteı bersin. Olarǵa eshkim qoı demeıdi», - dedi Erlan Saıyrov.
Aıta keteıik, Májilistiń áleýmettik-mádenı damý komıtetinde «Qazaqstan Respýblıkasynyń keıbir zańnamalyq aktilerine dene shynyqtyrý jáne sport máseleleri boıynsha ózgerister men tolyqtyrýlar engizý, sondaı-aq normalardy shekten tys (shekten tys) zańnamalyq retteýdi alyp tastaý týraly» zań jobasy talqylanyp jatyr.