Kúlásh Shámshıdınova qazirgi muǵalimder qandaı bolýy kerektigin aıtty

NUR-SULTAN. QazAqparat – Elordada ótip jatqan jıynda qazirgi muǵalimder qandaı bolýy kerektigi aıtyldy, dep habarlaıdy QazAqparat tilshisi.

«Bizde jyl saıyn osyndaı konferentsııa uıymdastyrady. Bıyl mektep álemin jańǵyrtatyn muǵalimder máselesi jan-jaqty talqylanýda.Muǵalimniń ózi oqýshylar, ata-analar jáne qoǵamda jańa kózqaras qalyptastyra bastady. Biz bilim berý júıesin damytyp, onyń syrtqy kúshter áserinen sapasyn joǵaltpaý jaǵyn qamtamasyz etý úrdisin barlyq mektepterde qalyptastyrýymyz kerek», - dedi «Nazarbaev zııatkerlik mektepteri» derbes bilim berý uıymynyń basqarma tóraǵasy Kúlásh Shámshıdınova «Mektep álemin ózgertetin – ustazdar» konferentsııasynda.

Ol qazirgi zamanǵa saı muǵalim kelbeti qandaı bolýy kerektigin aıtty.

«Ýaqytty tıimdi paıdalanatyn, mindetterdi naqty anyqtaı alatyn, túıindi máselelerdi sheshýdiń tıimdi joldaryn tez tabatyn, óziniń mindeti úshin tolyq jaýapkershilik ala alatyn kóshbasshy bolýy tıis», - dedi tóraǵa.

Eske sala ketsek, buǵan deıin ordada myńnan astam pedagogtyń qatysýymen HІ halyqaralyq ǵylymı-tájirıbelik konferentsııa ótip jatqany jáne bilim salasyndaǵy basty strategııalyq baǵyt – Nazarbaev zııatkerlik mektepteriniń tájirıbesin jalpy bilim beretin mektepterde qoldaný ekeni týraly jazǵan bolatynbyz.