Qulap qalmaǵanda fınalǵa óter me edim - Nurbergen Jumaǵazıev
17:36, 10 Aqpan 2018
PHENChHAN. QazAqparat - Búgin short-trekten 1500 metr qashyqtyqta synǵa túsken Nurbergen Jumaǵazıev jarystan keıingi áserimen bólisti, dep habarlaıdy QazAqparat tilshisi.
«Qulam qalmaǵanda fınalǵa óter me edim, kim biledi?! Abaısyzda aınalmaǵa kelgende aldymda kele jatqan sportshynyń konkıine shalynyp, qulap tústim. Bir sátsizdik, bir sabaq. Alda áli 500, 1000 jáne 5000 metr qashyqtyqta synǵa túsem. Buıyrsa sol kezde barymdy salatyn bolamyn. Eń bastysy qulaǵanda jaraqat almadym», - dedi ol jarystan keıin.
Esterińizge sala keteıik, short-trekshiler Nurbergen Jumaǵazıevpen birge Denıs Nıkısha jáne qyzdar arasynda 500 metrge júgirgen Anastasııa Krestova irikteý kezeńinen ótpeı qalǵan bolatyn
Foto: Izturgan Aldauyev