Qulap, dirildep jatqan: Shymkentte polıtseıler bir adamnyń ómirin saqtap qaldy

<p>Shymkentte patrýldik polıtseıler aıaldamada talmasy ustap qalǵan azamatty qutqardy. <a href="https://kaz.inform.kz/" target="_blank" rel="noopener">Kazinform</a> bul týraly <a href="https://polisia.kz/" target="_blank" rel="noopener">Polisia.kz</a>-ke silteme jasap habarlaıdy.</p>

Muhıt Imanov pen Muratbek Tájibaı aıaldamada epılepsııalyq talmaǵa ushyraǵan azamatqa der kezinde kómek kórsetti. Qala kóshelerinde tártipti qamtamasyz etip júrgen patrýldik polıtsııa polkiniń qyzmetkerleri avtobýs aıaldamalarynyń birinde qulap, dirildep jatqan adamdy baıqaǵan.

Polıtseıler jedel áreket etip, ony bir jaǵymen jatqyzyp, basyna syrt kıimin qoıdy. Birneshe sekýndtan keıin er adamnyń ustamasy toqtady. Ol medıtsına qyzmetkerlerine tapsyryldy. Osylaısha, quqyq qorǵaýshylar jedel jáne úılesimdi árekettiń arqasynda taǵy bir adamnyń ómirin saqtap qaldy. Olarǵa qutqarylǵan turǵynnyń týystary shyn júrekten rızashylyǵyn bildirdi.

«Er adamnyń tynysy úzilip, daýysy tarylyp jatqan edi. Epılepsııalyq ustamanyń belgileri kórindi. Áriptesimmen birge oǵan alǵashqy kómek kórsettik. Keıin azamat esin jınady. Bir jaqsysy, biz dál sol sátte jaqyn mańda boldyq. Árıne, bul áreketimizdi batyrlyq dep sanamaımyz. Qajet kezde kómekke kelý – bizdiń mindetimiz», – deıdi Muhıt Imanov.