Qul-Muhammed Prezıdentke partııa jumysynyń jańa formaty jóninde baıandady

ASTANA. QazAqparat - Qazaqstan Prezıdenti Nursultan Nazarbaev «Nur Otan» partııasy tóraǵasynyń birinshi orynbasary Muhtar Qul-Muhammedti qabyldady, dep habarlady Aqordanyń baspasóz qyzmeti.

Memleket basshysy kezdesýde partııanyń 2016 jylǵy qyzmetiniń qorytyndylary jónindegi esepti tyńdap, aldaǵy kezeńge arnalǵan jumys josparlarymen tanysty.

Nursultan Nazarbaevqa jalpyulttyq kún tártibindegi mańyzdy aspektilerdi iske asyrý sharalary, sondaı-aq el damýynyń basty baǵyttary jóninde jurtshylyqty habardar etý máseleleri týraly baıandaldy.

M.Qul-Muhammedtiń málimeti boıynsha, 2015 jylmen salystyrǵanda partııa qurylymdaryna aryz-shaǵymmen júgingen azamattar sany 30%-ǵa artqan. 2016 jyly 283 myńnan astam ótinish kelip túsken, qazir onyń 92%-y oń sheshimin tapty.

Sondaı-aq, Elbasyǵa partııa ókilderiniń óńirlerdegi jurtshylyqpen kezdesýleriniń qorytyndylary jáne kúndelikti qyzmet barysynda qoldanylatyn partııa jumysynyń jańa formaty jóninde málimet berildi.