Qul-Muhammed: Elbasynyń jańa kitaby - Táýelsizdiktiń entsıklopedııasy
«Osydan tup-týra 26 jyl buryn halqymyzdyń jańa dáýiri bastaldy. Bul -egemendik, táýelsizdik, erkindik dáýiri. Bul - qazaqtyń Elbasymen birge dáýirleý kezeńi», - deıdi Muhtar Qul-Muhammed.
«Nur Otan» partııasy Tóraǵasynyń birinshi orynbasarynyń aıtýynsha, jańa kitapta Elbasymyzdyń dana basshylyǵymen táýelsiz memleketimizdiń shırek ǵasyrdan astam ýaqytta qol jetkizgen barlyq jetistikteri saralanǵan.
«Elbasymyzdyń júrek tolǵanysynan shyqqan bul kitap bárimizdiń qasıetti Otanymyz - Qazaqstan Respýblıkasynyń negizin qalaǵan Tuńǵysh Prezıdentimizdiń óz qolymen jazylǵan Táýelsizdik entsıklopedııasy dep ataýǵa tolyq negiz bar», - deıdi ol.
«Nur Otan» partııasy Tóraǵasynyń birinshi orynbasary ózsózinde Táýelsizdik zamanynda Elbasy Qazaq elin álemdik qaýymdastyqtyń eńaldyńǵy qataryna shyǵarǵanyn tilge tıek etti.
«Aldaryńyzdaǵy kitap - Elbasynyń bárimiz úshin eń qasıettiqundylyq sanalatyn táýelsizdik týraly oı-tolǵamdarynyń jıyntyǵy. Endeshe, bulkóp uzamaı-aq barsha qazaqstandyqtardyń súıip oqıtyn kitabyna aınalary anyq», -deıdi Muhtar Qul-Muhammed.
Eske sala ketsek, Astanada Memleket basshysy Nursultan Nazarbaevtyń «Táýelsizdik dáýiri» atty jańa kitabynyń saltanatty tusaýkeseri bolyp ótti. Tarıhı pýblıtsıstıka janrynda jazylǵan, qazaq jáne orys tilderinde basylǵan Elbasynyń bul eńbegi elimizdiń jańa tarıhy men onyń erteńine degen avtordyń kózqarasyn tanytady.