Qul-Muhamed: Elbasy tapsyrmalarynyń oryndalýyn qatań baqylaýǵa alýymyz kerek
Jıynǵa «Nur Otan» partııasy Tóraǵasynyń birinshi orynbasary Muhtar Qul-Muhamed, Parlament Májilisindegi «Nur Otan» fraktsııasynyń jetekshisi Gúlmıra Isımbaeva, Májilis tóraǵasynyń orynbasary Vladımır Bojko, Májilisi depýtattary, Investıtsııalar jáne damý mınıstri Jeńis Qasymbek qatysýda.Tyńdaýlarǵa beınebaılanys arqyly elimizdiń barlyq óńiri tikeleı qosylǵan.
Otyrysty ashqan Muhtar Qul-Muhamed Elbasynyń tikeleı bastamasymen táýelsizdik jyldarynda Qazaqstan ekonomıkanyń shıkizattyq emes sektoryn damytýda aýyz toltyryp aıtarlyqtaı jetistikterge qol jetkizgenin atap ótti. Tek sońǵy 7 jyldyń ishinde elimizde 500-ge jýyq jańa ónim túrlerin óndirý is qolǵa alynǵan. Búginde «Nur Otan» partııasy óziniń saılaýaldy baǵdarlamasynda naqty kórsetilgen bazalyq salalar men ınnovatsııany damytý mindetterin júzege asyrý baǵytyndaǵy jumystardy júrgizýde. Sonyń nátıjesinde 2021 jyly elimizde túrli-tústi metallýrgııa eksporty 20 paıyzǵa ósedi dep kútilip otyr. Sondaı-aq munaı-gaz salasynda básekege qabilettilik artyp, energııamen qamtamasyz etetin kásiporyndardyń aıasy keńeımek.
«Elbasynyń tapsyrmasymen ındýstrııalyq-ınnovatsııalyq damý baǵdarlamasy aıasynda 1000-nan astam jańa kásiporyn salyndy. Ony júzege asyrýǵa 5 trıllıon teńgeden astam qarajat bólindi. Elimizge búkil dúnıe júzine tanymal asa iri kompanııalar kelip, mıllıardtaǵan dollar ınvestıtsııa saldy. Eń ozyq tehnologııalar ákelindi. Dál osy jańa kásiporyndar munaı baǵasy úsh esege, barreline 150 AQSh dollarynan 50 AQSh dollarǵa deıin tómendegen kezde el ekonomıkasynyń turaqty damýyn qamtamasyz etip otyr. Endeshe, bul Elbasy tapsyrmalarynyń ýaqytynda oryndalýyn qatań baqylaýǵa alýymyz kerek. «Nur Otan» partııasy Elbasy tapsyrmalary men barlyq prezıdenttik baǵdarlamalardyń oryndalýyna partııalyq baqylaý júrgizýdi jalǵastyra beredi», - dedi Muhtar Qul-Muhamed.