Quqyq qorǵaýshylardy daıarlaý 5 jyldan 6 aıǵa qysqarýy múmkin
Bul rette Prezıdent sheteldik tájirıbege toqtaldy. Máselen, ol jaqta polıtsııa akademııalary quqyq qorǵaýshyny alty aıda daıarlap shyǵady.
«Olar qarapaıym nársege úıretedi. Zańdy meńgeredi, adammen sóılesýdi úırenedi. Boldy! Pogon alady da, jumysqa kirise beredi. Bizde bolsa, baqandaı 5 jyl daıyndaıdy. Sonda ǵalymdardy daıarlap jatyrmyz ba? Menińshe, qazirgi joǵary oqý oryndarynyń janynan sondaı akademııalardy qurǵan durys sııaqty. Adam 3-6 aı oqysyn da, jumysyna kirise bersin. Qazir bizde myqty zańgerler kóp qoı. Solardy bilim berý sharalaryna tartýǵa bolady. Jaqsy jalaqy qoısaq, ol zańgerler jaqsy jumys isteıdi», - dedi N.Nazarbaev.
Budan bólek, Prezıdent polıtseılerge qatysty talaptardy ózgertýdi júktedi. Akademııalar arqyly mamandardy irikteý jumysyn qolǵa alý qajet. Aldaǵy ýaqytta polıtseılerdiń jalaqysy kóteriledi.