Quqyq qorǵaý júıesin jańǵyrtýdyń baǵdarlama jobasy ázirlenip jatyr

ASTANA. 13 naýryz. QazAqparat - «Qazaqstan-2050» Strategııasy»: qalyptasqan memlekettiń jańa saıası baǵyty» atty Memleket basshysynyń Joldaýyn júzege asyrý maqsatynda Bas prokýratýranyń jetekshiligimen vedomstvoaralyq jumys toby Quqyq qorǵaý júıesin jańǵyrtý baǵdarlamasynyń jobasyn ázirleýde. Baǵdarlama jobasy Bas prokýratýranyń resmı saıtynda jarııalanǵan.

Qolǵa alynǵan jumysqa ǵalymdardy, Parlament depýtattaryn, memlekettik emes uıymdar ókilderin, qoǵam qaıratkerlerin tartý maqsatynda Bas prokýratýrada baǵdarlama jobasyn talqylaýǵa arnalǵan dóńgelek ústel jıyny da ótti. Oǵan QR Prezıdentiniń kómekshisi-Qaýipsizdik Keńesiniń Hatshysy Qaırat Qojamjarov, Prezıdent Ákimshiliginiń jaýapty laýazymdy tulǵalary, quqyq qorǵaý jáne arnaıy organdardyń, mınıstrlikter men vedomstvolardyń basshylary, Parlament depýtattary, úkimettik emes uıymdardyń ókilderi, ǵalymdar, qoǵam qaıratkerleri, kúsh qurylymdarynyń ardagerleri qatysty.

«Jıynda Bas prokýror A. Daýylbaev búgingi tańda júıeni túbegeıli reformalaý, quqyq qorǵaý organdarynyń jumys nysandary men ádisterin, adam quqyqtaryn qorǵaý kepildikterin qamtamasyz etý tetikterin jetildirý qajettiligi týyndap otyrǵanyn atap ótti. Osyǵan oraı, strategııalyq qujat qoǵamdyq qaýipsizdiktiń jáne ishki saıası turaqtylyqtyń tıimdi júıesin qurýǵa, onyń quqyq qorǵaýshylyq fýnktsııasyn arttyrýǵa baǵyttalǵan uıymdastyrýshylyq-praktıkalyq jáne zańnamalyq sharalardy qabyldaýdy qamtamasyz etýdi kózdeıdi», - delingen baspasóz baıanynda.

Budan bólek, jıyn barysynda quqyq qorǵaý qyzmetiniń ózekti máseleleri, reformanyń negizgi baǵyttary talqylanyp, pikir almasý órbigen. «Jıynǵa qatysýshylar jaýapkershiligi zor jumystyń alda turǵanyn, onyń basty maqsaty - elimizdegi tıisti zańdylyq pen quqyqtyq tártipti qamtamasyz etý, tulǵany, qoǵamdy jáne memleketti tıimdi qorǵaý, quqyq qorǵaý júıesine halyqtyń senim deńgeıin arttyrý bolyp tabylatynyn atap ótti», - delingen baspasóz habarlamasynda.