Quqyǵy saqtalmaǵan tutynýshylardan túsken shaǵymdar sany 139%-ǵa ósti

ASTANA. QazAqparat – Bıylǵy 10 aıda quqyǵy saqtalmaǵan tutynýshylardan túsken aryzdar byltyrmen salystyrǵanda 139 paıyzǵa ósti. Bul týraly atalǵan saladaǵy máseleler qaralǵan jıynda Tutynýshylardyń quqyqtaryn qorǵaý komıtetiniń tóraǵasy Asqar Tynysbekov aıtty, dep habarlaıdy QazAqparat tilshisi.

«Bıylǵy 10 aıda bólshek saýda kólemi ótken jyldyń sáıkes kezeńimen salystyrǵanda 116 paıyzǵa ósti. Al bólshek saýdaǵa qatysty tutynýshylardan kelip túsken shaǵymdar 48 paıyzǵa artyp otyr. Sonymen qatar, azamattar tarapynan tutynýshylardyń quqyqtaryn qorǵaý komıtetine joldanǵan ótinishter byltyrǵymen salystyrǵanda 139 paıyzǵa kóbeıdi. Aǵymdaǵy jyldyń 10 aıynda tutynýshylarǵa sapasyz ónim úshin qaıtarylǵan qarajat somasy 612,4 mln teńgeni qurady. Bul ótken jylǵy kórsetkishten 201 paıyzǵa artyq», - dep toqtaldy Asqar Tynysbekov.

Ol keltirgen derekke saı, kólik, qyzmet kórsetý, baılanys, qoǵamdyq tamaqtaný, medıtsınalyq qyzmet salalary boıynsha túsken shyǵymdar shamamen 3 esege ósken.