Quqyǵy buzylǵan qazaqstandyq balalar endi BUU-ǵa shaǵymdana alady

ASTANA. QazAqparat – Oqý-aǵartý mınıstrligi «Bala quqyqtary týraly konventsııaǵa habarlamalar rásimine qatysty fakýltatıvtik hattamany ratıfıkatsııalaý týraly» QR Zań jobasyn ázirledi. Qujat Ashyq NQA portalynda jarııalanǵan, dep habarlaıdy QazAqparat tilshisi.

«Bala quqyqtary týraly hattama men konventsııaǵa qatysýshy memleketter násiline, túsine, jynysyna, tiline, dinine, saıası nemese ózge de nanymdaryna, ulttyq, etnıkalyq nemese áleýmettik tegine, múliktik jaǵdaıyna, jaı-kúıine qaramastan, óz ıýrısdıktsııasyndaǵy árbir bala úshin onda kózdelgen barlyq quqyqtardy teń tanıdy», - delingen qujatta.

Sonymen birge osy kelisimge saı, quqyǵy saqtalmaǵan balalardyń ózi nemese olardyń ata-anasy Birikken Ulttar Uıymynyń bala quqyqtary jónindegi komıtetine tikeleı shaǵym túsire alady.

«Jobanyń maqsaty - balalarǵa jáne olardyń ata-analaryna (zańdy ókilderine) BUU-nyń Bala quqyqtary týraly komıtetine balanyń quqyqtary týraly konventsııada bekitilgen óz quqyqtarynyń buzylýy týraly shaǵym berýge múmkindik berý. Eger bul buzýshylyqtar ulttyq sottarda tolyq sheshilmegen bolsa, sondaı-aq táýelsiz jáne beıtarap organdarǵa ótinishterdi joldaý arqyly memleket buzǵan balanyń negizgi quqyqtaryn qorǵaý tetigin damytý», - dep kórsetilgen qujatta.

Hattamany ratıfıkatsııalaý týraly zań jobasy 7 sáýirge deıin kópshilik talqylaýda bolady.