Kýkýshkın Madrıdte tórt saǵattyq matchta jeńiske jetti

<p>MADRID. KAZINFORM — Qazaqstandyq, álemniń 143-raketkasy Mıhaıl Kýkýshkın Madrıd chellendjer týrnıriniń jartylaı fınalyna shyqty.</p>

Qazaqstandyq tennısshi shırek fınalda álemniń 165-raketkasy, Ispanııa ókili Albert Ramospen synǵa tústi.

Birinshi partııada Kýkýshkın 2:5 esebimen utylyp jatyp, kambek jasady — 7:6 (7:3).

Ekinshi sette Ramos 2:0 esebimen alǵa shyǵyp, sol basymdylyǵyn saqtap qaldy — 6:4.

Sheshýshi, úshinshi partııada Mıhaıl jeńisti julyp aldy — 7:6 (7:5).

Úsh saǵat 53 mınýtqa sozylǵan tartysty matchta Kýkýshkın 7 eıspen birge 5 breık-poınttyń tórteýin paıdalandy.

Ramos 4 eıs, 5 breıkpen (17 breık-poınt) kózge tústi.

Mıhaıl Kýkýshkın fınalǵa shyǵý úshin álemniń 158-raketkasy, ıtalııalyq Stefano Napolıtanomen talasady.

Ol shırek fınalda dúnıejúzilik reıtıngide 232-orynda turǵan shveıtsarııalyq Mark-Andre Hýslerden aılasyn asyrdy — 6:2, 7:6 (7:5).

Eske sala keteıik, budan buryn Sonıa Jıenbaevanyń Túrkııadaǵy týrnırdiń jartylaı fınalyna shyqqanyn jazǵan bolatynbyz.