Quqyqtyq statıstıka derekteri «Otbasynyń tsıfrlyq kartasymen» biriktiriledi

<p>Quqyqtyq statıstıka derekteri &laquo;Otbasynyń tsıfrlyq kartasymen&raquo; biriktiriledi. Bul týraly Bas prokýror Berik Asylovtyń Májilis depýtattary saýalyna bergen jaýabynda aıtylǵan, dep habarlaıdy QazAqparat tilshisi.</p>

«Təýekel tobyndaǵy» otbasylarmen maqsatty jumys isteý úshin Quqyqtyq statıstıka derekteri «Otbasynyń tsıfrlyq kartasymen» (Eńbek jəne halyqty əleýmettik qorǵaý mınıstrligi) biriktiriletin bolady. Onyń aıasynda ýəkiletti organdar tarapynan baqylaý-qadaǵalaý fýnktsııalaryn avtomattandyrý jolymen balalar arasyndaǵy quqyq buzýshylyqtardyń aldyn alý məselelerin kúsheıtýge baǵyttalǵan aqparattyq júıeni engizemiz. Jalpy, sońǵy jeti jylda qabyldanǵan is-sharalarmen kəmeletke tolmaǵandarǵa qatysty qylmystardyń 3 820-dan (2015 jyly) 1 460-qa deıin (2023 jyly) 61,8 paıyzǵa, onyń ishinde olardyń jynystyq tıispeýshiligine qarsy 52,3 paıyzǵa (1 259-dan 600-ge deıin) deıin tómendeýi baıqalady»,- dedi Berik Asylov jaýabynda.

Aıta keteıik, Búgingi tańda tsıfrlyq kartaǵa shamamen 6 mln otbasynyń, olardyń januıa múshelerimen qosqanda 19 mln adamnyń málimetter engizilgen. Derekter otbasy men onyń músheleriniń mártebesi ózgergen saıyn jańaryp otyrady. Memlekettik qoldaý sharalaryn alýǵa ruqsat berilgen kezde oǵan SMS-habarlama jiberiledi. Keıin áleýmettik járdemaqy, tólemder nemese memlekettik qoldaýdyń ózge de túrlerin taǵaıyndaý júzege asyrylady. Tıisinshe, ol qarajat azamattyń bank shotyna aýdarylady.