Quqyǵy buzylǵan almatylyq tutynýshylarǵa jyl basynan beri 100 mln teńge qaıtaryldy

<p>ALMATY. KAZINFORM &ndash; 2024 jyldyń basynan beri Almaty qalasy boıynsha Saýda jáne tutynýshylardyń quqyqtaryn qorǵaý departamenti turǵyndardyń 4 myńǵa jýyq ótinishin qaraǵan. Bul týraly Óńirlik kommýnıkatsııalar qyzmetiniń brıfınginde QR saýda jáne ıntegratsııa mınıstrliginiń Almaty qalasy baıynsha Saýda jáne tutynýshylardyń quqyqtaryn qorǵaý departamenti basshysynyń orynbasary Nurlan Abdıev málimdedi.</p>

Nurlan Abdıevtiń aıtýynsha, 2024 jyldyń 5 aıynda departament azamattardyń 4000-ǵa jýyq ótinishin qarady. Ótinishterdi qaraý qorytyndysy boıynsha jospardan tys 20 tekserý júrgizilgen. Sondaı-aq tutynýshylarǵa 100 918 331 teńge qaıtarylyp, 102 ákimshilik jaza qoldanyldy.

Foto: Almaty qalasy ÓKQ

«Tutynýshylardyń quqyqtaryn qorǵaý salasyndaǵy negizgi zańbuzýshylyq — tutynýshynyń shaǵymyna 10 kúndik kúntizbelik merzimde jaýap bermeý, saýda salasynda-áleýmettik mańyzy bar azyq — túlik taýarlaryna zańnamada belgilengen saýda ústemesin buzý», - dedi Nurlan Abdıev.

Sondaı-aq spıker 2024 jyldyń 5 aıynda komıssııa qyzmetiniń nátıjeleri boıynsha 17 otyrys ótkizilgenin jáne tıimsiz deldaldar túrindegi zańbuzýshylyqtardyń 202 faktisi anyqtalǵanyn atap ótti. Nátıjesinde josyqsyz kásipkerlerge qatysty 186 ákimshilik hattama jasalǵan.

Azamattar zańdy quqyqtary buzylǵan jaǵdaıda Maqataev kóshesi, 45 mekenjaıy boıynsha «Femıda» qalalyq tutynýshylardyń quqyqtaryn qorǵaý ortalyǵyna habarlasa alady.

Telefondar: [phone], [phone].