Quqyǵy buzylǵan almatylyq tutynýshylar bıyl 300 mln teńge qaıtaryp aldy

<p>ALMATY. KAZINFORM - 2024 jyldyń basynan bastap Almaty qalasy boıynsha Saýda jáne tutynýshylardyń quqyqtaryn qorǵaý departamenti turǵyndardan kelip túsken 6000-ǵa jýyq shaǵym-ótinishterdi qaraǵan. Bul týraly departament basshysynyń orynbasary Nurlan Ábdıev habarlady.</p>

Onyń aıtýynsha, túsken ótinishter negizinde 40 jospardan tys tekserý júrgizildi. Nátıjesinde tutynýshylarǵa 303 239 531 teńge qaıtaryldy. Al zań buzýshylarǵa 168 ákimshilik jaza taǵaıyndaldy.

Departament basshysynyń orynbasary Nurlan Ábdıev eń kóp taraǵan zań buzýshylyqtar: tutynýshylardyń talaptaryna ýaqytyly jaýap bermeý, sondaı-aq áleýmettik mańyzy bar azyq-túlik taýarlaryna zańnamada belgilengen saýda ústemesin buzý ekenin atap ótti.

«Kelip túsetin ótinishterdiń negizgi úlesi bólshek saýda jáne elektrondyq saýda salasyna qatysty, ony departament júıeli túrde qaraıdy. Sonymen qatar, «Sapaly ónim» áleýmettik jobasy aıasynda azyq-túlik qaýipsizdigi sapasynyń sáıkestigin anyqtaý úshin sheteldik óndirýshilerdiń 66-ǵa jýyq ónim ataýyn satyp alyp, tamaq ónimderin synaý zerthanasyna saraptama júrgizýge jiberildi. Nátıjesinde 24 bıznes sýbektisi ákimshilik jaýapkershilikke tartyldy», - dedi ol.

Eske salaıyq, buǵan deıin Almatyda para týraly habarlaǵandarǵa 4 mln teńgeden astam syıaqy berilgenin jazǵan edik.