Qýǵyn-súrgin jyldary 5,4 myń aqmolalyq sottalyp, 1,6 myńy atyldy

KÓKShETAÝ. QazAqparat- Kókshetaýdaǵy Maǵjan Jumabaev atyndaǵy Aqmola oblystyq ǵylymı-ámbebap kitaphanasynda 31-mamyr saıası qýǵyn-súrgin qurbandaryn eske alý kúni «Taǵdyry qasiretti qaıratkerler» atty shara ótkizildi, dep habarlaıdy QazAqparat tilshisi.

Sharada qazaq eliniń táýelsizdigi jolynda kúresken alash arystary men halyqqa tanymal tulǵalardyń portretteri men Alash qozǵalysy tarıhyna qatysty sýretter kórmesi usynyldy. Ótken ǵasyrdyń 30-shy jyldaryndaǵy mıllıondardyń ómirin jalmaǵan asharshylyq pen saıası qýǵyn-súrginge arnalǵan beınefılm de kórsetildi.

Sharaǵa qatysqan Aqmola oblystyq ishki saıasat basqarmasynyń basshysy Gúljanar Shókeeva sóz sóılep, 1998 jyldyń 31 mamyrynan bastap Elbasynyń bastamasymen elimizde saıası qýǵyn-súrgin qurbandaryn eske alý kúni bolyp sanalatyn aıta kele, taǵylymdy sharanyń mańyzdylyǵyna toqtaldy.

«30-shy jyldardaǵy asharshylyqta qazaq halqynyń qyryq paıyzdaı qyryldy, al saıası qýǵyn-súrgin kezinde júz myńnan astam adam jazyqsyz sottalsa, olardyń  25 myńy atyldy. Onyń ishinde Aqmola oblysynda  5,4 myń adam sottalyp, olardyń 1,6 myńnan astamy atyldy»  - dedi G.Shókeeva.

Sonymen qatar, stalındik solaqaı saıasattan zardap shekender men qurban bolǵandardyń búgingi urpaqtary da óz oılaryn ortaǵa saldy.