Kúdikti bóten emes: AQSh-ta jasóspirim bir otbasynyń 5 múshesin atyp óltirdi

<p>ASTANA. KAZINFORM &mdash; AQSh-tyń Vashıngton shtatyndaǵy úılerdiń birinde atys boldy. Saldarynan 5 adam qaza taýyp, jasóspirim kúdikti retinde qamaýǵa alyndy. Bul týraly <a href="https://apnews.com/article/fall-city-washington-5-killed-house-shooting-95c41498579ce16783746202e48c269b" target="_blank" rel="noopener">&laquo;Associated Press&raquo; </a>habarlady.</p>

Basylymnyń málimetinshe, ústimizdegi jyldyń 21 qazanynda tańerteń Sıetl qalasynyń ońtústik-shyǵysyndaǵy úılerdiń birinde oq jaraqatynan kóz jumǵan bes adam tabylǵan, kúdikti retinde jasóspirim qamaýǵa alynǵan.

Atys týraly 911-ge 21 qazanda jergilikti ýaqyt boıynsha tańǵy saǵat 5:00 shamasynda habarlanǵan. Oqıǵa ornyna jetken polıtsııa birden jasóspirimdi ustady, jaraqat alǵan taǵy bir jasóspirim Sıetl qalasyndaǵy aýrýhanaǵa jetkizilgen. Ekeýi de osy úıde turady eken.

Polıtsııanyń málimetinshe, qaza tapqandardyń ekeýi eresek, úsheýi jasóspirim.

– Máıitterdi tapqannan keıin úlken qylmys bolǵanyn túsindik, – dedi polıtsııa ókili.

Polıtsııanyń aıtýynsha, atys otbasy músheleriniń arasynda bolǵan. Alaıda olardyń qandaı qatysy bar ekeni belgisiz. Kúdikti retinde ustalǵan jasóspirim Kıng okrýginiń kámeletke tolmaǵandar abaqtysyna qamaldy. Sotqa deıingi tergep-tekserý jumystary júrgizilip jatyr.