«Kúdikti 15 mınýtta tabyldy»: Almaty polıtsııasy ulttyq beınebaqylaý júıesin engizedi

<p>ALMATY. KAZINFORM &mdash; Almaty qalasynyń Polıtsııa departamenti jergilikti atqarýshy organdarmen birlesip ulttyq beınebaqylaý júıesin engizýge daıyndyq jumystaryn bastady.</p>

Polıtsııa departamentiniń málimetinshe, búgingi tańda qalalyq beınebaqylaý júıesin naqty ýaqyt rejıminde basqarýǵa, bolyp jatqan oqıǵalarǵa jedel den qoıýǵa, sondaı-aq adamdy taný fýnktsııalaryn júzege asyrýǵa múmkindik beretin biryńǵaı aqparattyq beınebaqylaý platformasy qurylǵan. Júıe departamenttiń Jedel basqarý ortalyǵynyń oqıǵa kartasymen biriktirilgen.

— Qyzmettik analıtıkany paıdalaný — jasandy ıntellekt arqyly qaýipsizdiktiń jańa standarty jáne ulttyq beınebaqylaý júıesin qurý jolyndaǵy mańyzdy qadam.

Kameraaralyq baqylaý fýnktsııasy izdeýde júrgen adamdardyń ǵana emes, kólikterdiń de qozǵalysyn baqylaýǵa múmkindik beredi.

Jalpy alǵanda, júıe kólik qozǵalysyn baqylaıdy, «kórsetilgen» nysandardy izdeıdi, avtoturaq erejelerin buzýdy jáne qorǵalatyn aýmaqqa kirýdi tirkeıdi, — dep habarlady PD baspasóz qyzmeti.

Júıeniń taǵy bir ereksheligi — qajet bolǵan jaǵdaıda jeke adamdardy anyqtaı alady.

Mysaly, 2024 jyldyń naýryz aıynda adamdy taný júıesine urlyq jasaǵany úshin kúdikti bolǵan A. esimdi azamatty tirkegen. Nátıjesinde kúdikti oqıǵa bolǵan sátten bastap 15 mınýt ishinde ustaldy.

Jalpy osy jyly bet-álpetti taný júıesiniń kómegimen 9 qylmysker anyqtalyp, ustalǵan.

2023 jyly kúzet jáne órt dabyldaryn jańǵyrtý jobasy aıasynda qalalyq bilim berý nysandarynda 21 myńnan astam beınekamera aýystyrylyp, dúrbeleń túımeleri men týrnıket ornatyldy.

Bul qurylǵylardyń barlyǵy Biryńǵaı beınebaqylaý júıesimen biriktirilgen.

Bıyl jyl sońyna deıin Biryńǵaı beınemonıtorıng júıesine 10 myńǵa jýyq qalalyq beınekamerany qosý josparlanyp otyr.