Kúdikti sómke: Óskemendegi dámhana aýmaǵyn polıtsııa qorshaýǵa aldy

ÓSKEMEN. QazAqparat – Óskemen qalasynda polıtsııa qyzmetkerleri dámhana aýmaǵyn qorshaýǵa aldy, dep habarlaıdy QazAqparat tilshisi.

Áleýmettik jelide Nazarbaev dańǵylyndaǵy «Qazaqstan» jáne «45-shi gastronom» aıaldamalary arasynda polıtsııa men órt sóndirý kólikteriniń shoǵyrlanǵany jaıly aqparat tarap ketti. ShQO Polıtsııa departamenti baspasóz qyzmetiniń málimetine súıensek, buǵan dámhana mańynda belgisiz bireý qaldyryp ketken sómke sebep bolǵan.

«21 aqpan kúni tańǵy saǵat 10:00 shamasynda polıtsııaǵa Nazarbaev dańǵyly, 31a mekenjaıy boıynsha ornalasqan dámhananyń janynda kúdikti kók sómke jatqany týraly habar tústi. Oqıǵa ornyna birden quqyq qorǵaý organynyń qyzmetkerleri kelip jetti. Aýmaq tolyqtaı qorshaýǵa alyndy», - dep habarlady vedomstvo ókilderi.

Tekserý nátıjesinde, sómkeden jarylǵysh zattar tabylǵan joq.