Kúdebaevqa qashýǵa kómekteskenderdi anyqtaımyz – Bas prokýratýra

ASTANA. QazAqparat – Bas prokýratýra Almaty oblysy Polıtsııa departamentiniń burynǵy basshysy Serik Kúdebaevqa memlekettik shekarany zańsyz kesip ótýge kómekteskenderdi anyqtaıdy, dep habarlaıdy QazAqparat tilshisi.

«Qyrǵyz tarapy da Kúdebaevtiń memlekettik shekarany zańsyz kesip ótýine qatysty qylmystyq is qozǵady. ıAǵnı qylmystyq is ony izdestirý boıynsha ǵana emes, memlekettik shekarany zańsyz kesip ótý faktisine qatysty da qozǵalyp otyr. Biz Kúdebaevtiń memlekettik shekarany zańsyz kesip ótýin uıymdastyrǵandardy da anyqtamaqpyz. Sondyqtan qyrǵyz tarapynyń kómegi qajet. Memlekettik shekaradan zańsyz ótýine kimniń jáne qalaı kómek kórsetkeni mańyzdy», - dedi Bas prokýrordyń orynbasary Jandos Ómirálıev Májilistiń jalpy otyrysynan keıin tilshilerdiń saýalyna jaýap bere turyp.

Onyń aıtýynsha, Qazaqstannyń Túrkııamen quqyqtyq kómek kórsetý týraly ekijaqty kelisimi bar. Onyń sheńberinde túrik tarapymen jumys qolǵa alyndy.

«Búginde memlekettik shekarany zańsyz kesip ótý faktisi boıynsha qylmystyq is qozǵaldy. Barlyq faktiler jan-jaqty zertteledi. Atalǵan ispen Bas prokýratýranyń arnaıy qyzmeti aınalysyp jatyr. Kúdebaevqa qoldaý kórsetken jáne memlekettik shekarany zańsyz kesip ótý úshin jaǵdaı jasaǵan barlyq óńirdi qamtıtyn bolamyz», - deıdi ol.

Buǵan deıin J. Ómirálıev Kúdebaevtiń isine qatysty barlyq derekti ashyp aıta almaıtynyn málim etip, onyń sebebin de túsindirdi.