Qudalyq, betashar, besik toı: Ordabasyda eki aptada 9 toıdy tarqatýǵa týra kelgen

TEMІRLAN. QazAqparat - Túrkistandyq tártip saqshylary karantın rejımin buzǵan birneshe turǵyndy anyqtady, dep habarlaıdy QazAqparat oblystyq polıtsııa departamentine silteme jasap.

Іndet jaılap, keń etek alǵaly beri polıtsııa qyzmetkerleriniń de birshama jumystary arta tústi. Ár turǵynnyń densaýlyǵyna alańdap júrgen ordabasylyq tártip saqshylary aýdandaǵy tamaqtaný oryndaryna, saýda úılerine, azyq-túlik dúkenderinde, adam kóp shoǵyrlanatyn oryndarda karantın talabynyń saqtalýyn qatań qadaǵalaýda.

Osyndaı kezekti reıd barysynda Ordabasy aýdany kóleminde karantın rejıminiń talaptaryn saqtamaý boıynsha mamyr aıynyń ekinshi jartysynda 9 jaıt anyqtaldy.

Atap aıtqanda Ordabasy aýdany Temirlan aýylynda ornalasqan toıhanalardyń birinde 70-ke jýyq adam jınalyp, qudalyq toıy ótkizgen.

Al Bógen aýylynda jergilikti turǵyn óziniń úıine 50-den astam adamdy jınap, betashar toıyn jasaǵany belgili boldy.

Sondaı-aq Badam aýylyndaǵy toıhananyń biri 80-ge jýyq turǵyndy jınap, besik toıyn ótkizgen.

Olarǵa qatysty túsindirme jumysy júrgizilip, QR ÁQBtK 425-baby boıynsha tıisti materıaldar toptalyp, qujattar zańdy sheshim qabyldaý úshin Ordabasy aýdandyq SEBB-ge jiberildi.

Túrkistan oblysy polıtsııa departamenti karantın rejımi kezinde bekitilgen talaptardy oryndamaı, turǵyndardyń densaýlyǵyna qaýip tóndiretin azamattar tıisti jazaǵa tartylatynyn eskertedi.