Qubyrdaǵy aqaý: Maıqaıyńda tehnogendik sıpattaǵy tótenshe jaǵdaı jarııalandy

<p>PAVLODAR. KAZINFORM &ndash; Maıqaıyń kenti men &laquo;Bogatyr Kómir&raquo; AQ-na sý jetkizetin magıstraldegi aqaýdy qalpyna keltirý jumystary áli de jalǵasýda. Barlyǵy 119 adam jáne 48 mamandandyrylǵan tehnıka jumyldyrylǵan.&nbsp;</p>

Pavlodar oblysy ákiminiń baspasóz qyzmetinen habarlaǵandaı, óńir basshysy Asaıyn Baıhanov Maıqaıyń kentindegi dıametri 1 020 mm sýyq sýmen jabdyqtaý qubyryndaǵy aqaýdy joıý boıynsha jedel shtabtyń otyrysyn ótkizdi. 

Foto: Pavlodar oblysy ákiminiń baspasóz qyzmeti

Mamandar qubyrdyń árbir ýchaskesinde muz qatý men men aýanyń turyp qalý jaıttaryn tekserip jatyr. Mundaı ýchaskeler anyqtalǵan kezde qubyrdy bý generatorlarymen jylytý júrgizilýde. Jekelegen ýchaskelerdegi jeliniń aınalasyna kómir men shpal úıilip, ot jaǵylǵan. Osylaısha qatyp qalǵan qubyrlar jibitilip jatyr.

«Maıqaıyń kentine sý tómen qysymda berilip jatyr. Táýligine ortasha tutyný kólemi - 250 tekshe metr. Rezervýarlarda turaqty túrde táýliktik sý qory bar ári ol turaqty túrde toltyrylýda. Bul jumystarǵa 10 tehnıka jumyldyrylǵan. 23 aqpanda Baıanaýyl aýdanynyń ákimdigi tótenshe jaǵdaıdyń aldyn alý jáne joıý jónindegi komıssııanyń kezekten tys otyrysynda Maıqaıyń kentiniń aýmaǵynda jergilikti aýqymdaǵy tehnogendik sıpattaǵy tótenshe jaǵdaı jarııalaý týraly sheshim qabyldady», - dep málimdedi óńir ákiminiń baspasóz qyzmetinen. 

Eske sala keteıik, Ekibastuzdan Maıqaıyń kentine aýyzsý jetkizetin úlken qubyr jaryldy.

Maıqaıyń kentiniń turǵyndary kúnine 1 myń tekshe metr aýyzsý tutynyp kelgen. Qazir qysymnyń tómendeýine baılanysty «Maıqaıyńaltyn» AQ sý tasıtyn mashınalardy jumyldyrdy.

Qubyrdaǵy aqaýǵa baılanysty «Bogatyr-Kómir» kásipornyna sý berý ýaqytsha toqtatyldy.