Qubyrdaǵy aqaý: «Maıqaıyńaltyn» AQ bas dırektory mán-jaıdy túsindirdi

<p>PAVLODAR. KAZINFORM -&nbsp; Maıqaıyń kentiniń turǵyndary kúnine 1 myń tekshe metr aýyzsý tutynyp kelgen. Qazir qysymnyń tómendeýine baılanysty &laquo;Maıqaıyńaltyn&raquo; AQ sý tasıtyn mashınalardy jumyldyrdy.</p>

Kenttegi aýyzsý qubyryna «Maıqaıyńaltyn» AQ jaýapty. Kásiporynnyń bas dırektory Qýanysh Botınnyń aıtýynsha, Ekibastuz qalasynan úlken qubyr arqyly aǵyp keletin aýyzsý qazir múlde joǵalyp ketken.

«Apat qubyrdyń Ekibastuz qalasy aýmaǵynda bolyp otyr. Jalpy sýdyń qubyrdaǵy aqaýdan ysyrap bolýy 19 aqpannan beri baıqalǵan. Negizgi aqaý orny keshe ǵana tabylǵan tárizdi. Búgin túnde oqıǵa ornyna baryp, kásiporynnyń mamandary men tehnıkalaryn kómekke jumyldyrdyq. Qazir kentte aýyzsý boıynsha biraz shekteýler engizildi», - dep habarlady kásiporyn basshysy.

Úılerde sý qysymy tómendep ketken. Q.Botınnyń aıtýynsha, búgin tańerteńnnen kenttegi aýyzsý tutynýshylaryna aýyzsýdy turaqty jetkizý úshin sý tasıtyn mashınalar jumyldyryla bastady. Kentke jaqyn jerde skvajına bar, jetpegen sýdy sol jerden alady. Jergilikti jeke tutynýshylar táýligine shamamen 1 myń tekshe metr, kentti jylýmen qamtyp turǵan qazandyq 200-200 tekshe metr sý tutynady.

«Ózge jergilikti kásiporyndar sýdy asa kóp tutyna qoımaıdy. Biz «Maıqaıyńaltyn» AQ boıynsha sýdy meılinshe az paıdalanýǵa tapsyrma berdik. Jaǵdaı turaqtalǵansha shekteýler kúshinde saqtalady», - dedi Q.Botın.

Eske sala keteıik, Ekibastuzdan Maıqaıyń kentine aýyzsý jetkizetin úlken qubyr jaryldy.