Kýbada janarmaı rezervýarlary eki táýlikten beri órtenip jatyr

NUR-SULTAN. QazAqparat – Kýba portynyń janynda munaı qoımalary órtenip jatyr. Qyzyl jalyn ekinshi kún qatarynan sóndirilip jatyr, dep habarlaıdy QazAqparat Reuters-ke silteme jasap.

Órtti sóndirý úshin kómekke Meksıka men Venesýeladan mamandar kelgen.

Oqıǵa juma kúni keshke Gavanadan shyǵysqa qaraı segiz rezervýardyń (árqaısysynyń syıymdylyǵy 300 000 barrel) birine naızaǵaı túskende bastaldy. Senbi kúni jeldiń saldarynan órt ekinshi, úshinshi rezervýardy sharpydy.
Órtten eki jarylys bolyp, 120-dan astam adam zardap shekti, olardyń 36-sy aýrýhanaǵa jetkizildi, beseýiniń jaǵdaıy aýyr. Bir adam qaza taýyp, 17 órt sóndirýshi habarsyz ketken. Aımaqtan 1000-nan astam beıbit turǵyn evakýatsııalandy.

Foto: reuters.com