Qýanyshbek Esekeev Talapker aýylyndaǵy ınternet málesesi jaıly aıtty
17:05, 15 Sáýir 2020
NUR-SULTAN. QazAqparat - «Qazaqtelekom» AQ-ǵa ınternetke qatysty kúnine 150-ge jýyq suraq keledi. Ortalyq komýnıkatsııalar qyzmetinde ótken onlaın brıfıngte «Qazaqtelekom» AQ basqarma basshysy Qýanyshbek Esekeev osylaı aıtty, dep habarlaıdy QazAqparat tilshisi.
«Talapker aýylynda 14 myńnan asa adam turady. 2500 adam bir ýaqyt ishinde elordanyń shetinde ornalasqan 6 bazalyq stantsııaǵa qosylady. Bul bazalyq stantsııalar Talapkerdegi júktemeni ustap tur», - dep atap ótti «Qazaqtelekom» Qýanyshbek Esekeev.
Al Qajymuqan aýylynda 2900 adam tirshilik keship jatyr.
«Qajymuqan aýylynan 4 shaqyrymdyq jerdegi Maksımovka aýylynda Tele2, Altel-diń bazalyq stantsııasy bar. Operatorlar jelilik qyzmet sapaly bolýy úshin jumys istep jatyr. Kúnine osyndaı máselege qatysty ortasha eseppen 150-ge jýyq suraq túsedi. Tutynýshylarǵa yńǵaıly bolýy úshin bárin isteımiz», - deıdi «Qazaqtelekom» AQ basqarma basshysy.