Qýańshylyqqa qarsy sharalarǵa 20 mlrd teńge bólinýi múmkin

NUR-SULTAN. QazAqparat – Qýańshylyqqa qarsy sharalarǵa 20 mlrd teńge bólinýi múmkin. Úkimet otyrysynda QR Aýyl sharýashylyǵy mınıstri Erbol Qarashókeev osyndaı málimet berdi, dep habarlaıdy QazAqparat tilshisi.

«Sonymen qatar kóktemgi dala jáne egin jınaý jumystaryn qarjylandyrý kólemin qosymsha 70 mlrd teńgege ulǵaıtyp, bıýdjettik kredıt berýdiń jalpy kólemin 140 mlrd teńgege jetkizý máselesi pysyqtalýda.

Budan basqa, 200 myń tonna kóleminde jemdik astyq qoryn qalyptastyrý úshin forvardtyq satyp alýǵa 20 mlrd teńge bólý máselesi pysyqtalýda, ol 2021 jylǵy qurǵaqshylyq qaıtalanǵan jaǵdaıda, mal men qus basynyń saqtalýyn qamtamasyz etedi», - dedi mınıstr.

Aıýtynsha, bıylǵy jalpy egis kólemi 23,1 mln gektarǵa jetip otyr. Bul 2021 jylmen salystyrǵanda 125 myń gektarǵa kóp.

«Tutastaı alǵanda, kóktemgi dala jumystaryna daıyndyq máselesi josparly túrde júrip jatyr jáne mınıstrliktiń erekshe baqylaýynda», - dedi Erbol Qarashókeev.