Qýanyshbek Esekeev Prezıdentke atqarǵan jumystarynyń nátıjesi týraly esep berdi

<p>ASTANA. KAZINFORM &ndash; Memleket basshysy &laquo;Qazaqtelekom&raquo; aktsıonerlik qoǵamynyń basqarma tóraǵasy Qýanyshbek Esekeevti qabyldady - dep habarlaıdy Aqordanyń baspasóz qyzmeti.&nbsp;</p>

«Qýanyshbek Esekeev „Qazaqtelekom“ kompanııalar tobynyń byltyrǵy atqarǵan jumystarynyń nátıjesi týraly esep berip, aldaǵy kezeńge arnalǵan josparyn tanystyrdy. 2025 jyldyń sońyna qaraı 5G jelisin jedel engizý jónindegi tapsyrmasynyń oryndalý barysy týraly aıtty. Qyzmet sapasyn jaqsartý jumystary jóninde málimet berdi» - dep jazylǵan habarlamada. 

Onyń aıtýynsha, bıyl kompanııanyń 63 myń abonentiniń eskirgen mys jelisin zamanaýı optıkalyq jelige aýystyrý josparlanǵan. Sondaı-aq 50 myń tutynýshy modeminiń tehnologııalyq jabdyqtary jańartylady.

«Qazaqtelekom» aktsıonerlik qoǵamynyń basqarma tóraǵasy Qýanyshbek Esekeev Qazaqstan men Ázerbaıjan arasynda Kaspıı teńiziniń tabany arqyly Transkaspıı talshyqty-optıkalyq baılanys jelisin salý jobasynyń iske asyrylý barysyn tanystyryp, bul joba Qazaqstannyń asa mańyzdy óńirlik telekommýnıkatsııalyq habqa aınalýyna, el aýmaǵynan ótetin halyqaralyq trafık tranzıtin ulǵaıtýǵa múmkindik beretinin aıtty. 

Qasym-Jomart Toqaev ekonomıkalyq jáne áleýmettik salalardy tsıfrlandyrý óte mańyzdy ekenin atap ótti. Sebebi qazir jańa telekommýnıkatsııalyq tehnologııalardyń múmkindikteri eldiń halyqaralyq arenadaǵy básekege qabilettilik deńgeıin aıqyndaıdy.

Memleket basshysy Qazaqstan azamattaryn zamanaýı telekommýnıkatsııa qyzmetterimen qamtamasyz etý qajettigine de nazar aýdaryp, kompanııanyń barlyq ınvestıtsııalyq jobasyn ýaqytyly iske asyrýdy tapsyrdy.