Qýanyshbek Esekeev QR Prezıdentiniń keńesshisi laýazymyna taǵaıyndaldy

<p>ASTANA. KAZINFORM &ndash; Memleket basshysynyń ókimimen Qýanyshbek Baqytbekuly Esekeev Qazaqstan Respýblıkasy Prezıdentiniń keńesshisi laýazymyna taǵaıyndaldy.</p>

Bul týraly Aqordanyń baspasóz qyzmetinen habarlandy.

Qýanyshbek Esekeev 1975 jyly Almatyda dúnıege kelgen. Ál-Farabı atyndaǵy Qazaq memlekettik ulttyq ýnıversıtetin qoldanbaly matematıka mamandyǵy boıynsha bitirgen.

Ǵylymı ataqtary, dárejeleri, qyzmeti:

Ál-Farabı atyndaǵy Qazaq memlekettik ýnıversıtetiniń aspırantýrasy (1998)

Matematıka ǵylymdarynyń kandıdaty, dıssertatsııa taqyryby: «Birtekti emes suıyqtyqtar dınamıkasyndaǵy keıbir esepterdiń sheshilýi» (1997 j.)

Eńbek joly: 1998 jyly ál-Farabı atyndaǵy Qazaq memlekettik ýnıversıtetiniń aǵa oqytýshysy. «Málimet» kompıýterlik zerthanasynyń meńgerýshisi;

1998-2000 jyldary «Qazaqoıl» UMGK» JAQ bólim bastyǵy, aqparattyq tehnologııalar departamentiniń dırektory, tehnıkalyq qyzmet kórsetý basqarmasynyń bastyǵy;

2000-2002 jyldary «Qazaqstan temir joly» RMK bas ınjeneriniń keńesshisi, bas bólim bastyǵy, aqparattyq tehnologııalar departamentiniń dırektory;

2002-2004 jyldary Qazaqstan Respýblıkasy Ekonomıka jáne bıýdjettik josparlaý mınıstrligi Aqparattandyrý jáne ınnovatsııalar departamentiniń dırektory, Qazaqstan Respýblıkasy Qarjy mınıstrligi Aqparattyq tehnologııalar departamentiniń dırektory;

2004-2007 jyldary Qazaqstan Respýblıkasy Aqparat jáne baılanys agenttigi tóraǵasynyń orynbasary;

2006-2007 jyldary Qazaqstan Respýblıkasy Aqparat jáne baılanys agenttigi tóraǵasynyń m.a.;

2007-2010 jyldary Qazaqstan Respýblıkasy Aqparat jáne baılanys agenttiginiń tóraǵasy;

«Qazaqtelekom» AQ Basqarma tóraǵasy (03.03.2010 j., ókilettigi 15.03.2016 j. bastap uzartyldy, 16.03.2022 qaıta saılandy).

2003-2005 jyldary «Ulttyq aqparattyq tehnologııalar» JAQ Dırektorlar keńesiniń múshesi;

2006-2007 jyldary «Kazsatnet» UK» AQ Dırektorlar keńesiniń tóraǵasy;

2006 jyly «Qazaqtelekom» AQ Dırektorlar keńesiniń múshesi (2018 j. qaıta saılanǵan);

2008 jyly «Zerde» ulttyq ınfokommýnıkatsııa kesheni» AQ Dırektorlar keńesiniń tóraǵasy;

2008-2010 jyldary «Parasat» UǴTH» AQ Dırektorlar keńesiniń múshesi;

2019-2022 jyly «Ksell» AQ Dırektorlar keńesiniń múshesi;

2019 jyldan bastap Baılanys salasyn damytý máselelerin qaraý jónindegi Baılanys operatorlary keńesiniń múshesi qyzmetin atqarýda.

Sońǵy jyldary «Qazaqtelekom» AQ basqarma tóraǵasy qyzmetin atqardy.

«Qurmet» (2011), «Parasat» (2018) ordenderimen marapattalǵan.