Qýandyq Bıshimbaevtiń isi boıynsha sot otyrysy ýaqytsha toqtatyldy

<p>ASTANA. KAZINFORM &ndash; Qýandyq Bıshimbaevqa qatysty búgingi sot otyrysynda taraptardyń biri alqa bılerdiń qatysýynsyz ótinishhat jasaýdy surady, osyǵan baılanysty translıatsııa toqtatyldy.</p>

«Alqa bılerdiń quzyretine kirmeıtin quqyq máseleleri olardyń qatysýynsyz qaralady. Ótinishhatty taraptardyń qatysýymen qaraý úshin BAQ-ta translıatsııalaýdy jáne jarııalaýdy toqtatýdy suraımyn», - dedi sýdıa Aıjan Qulbaeva. 

Eske sala ketsek, bıyl 27 naýryzda elordanyń qylmystyq ister jónindegi mamandandyrylǵan aýdanaralyq sotynda Q. Bıshimbaevtyń isi boıynsha alqa bılerdi irikteý ótti. Alqa bılerdi foto, vıdeoǵa túsirýge jáne jarııalaýǵa tyıym salynǵan. 

Buǵan deıin habarlaǵanymyzdaı, Qýandyq Bıshimbaevtyń isi boıynsha onlaın-kórsetilim reıtıngi keıbir serıaldardan asyp tústi. Joǵarǵy Sottyń Kommýnıkatsııa bóliminiń meńgerýshisi Perızat Sádýaqastyń aıtýynsha Q.Bıshimbaevqa qatysty sot protsesine qoǵam joǵary qyzyǵýshylyq tanytyp otyr. Tikeleı efırge 250 myń kórermenniń bir mezgilde qosylýy boıynsha rekord tirkeldi. 25-44 jas aralyǵyndaǵy kórermender jalpy kórermen sanynyń 58%-yn qurap otyr.