Qýandyq Bıshimbaevtyń jazasyn jeńildetýge 100 mln teńge dámetken alaıaq sottaldy

<p>ASTANA. KAZINFORM &ndash; Astana qalasynyń qylmystyq ister jónindegi mamandandyrylǵan aýdanaralyq soty alqabılerdiń qatysýymen alaıaqtyq jasaýǵa oqtaldy jáne asa iri mólsherde para berýge ıtermeledi dep aıyptalǵan G. esimdi elorda turǵynyna qatysty úkim shyǵardy.&nbsp;</p>

Sottyń habarlaýynsha, astanalyq alaıaq bıyl mamyrda burynǵy Ulttyq ekonomıka mınıstri Qýandyq Bıshimbaev áıelin aıaýsyzdyqpen óltirdi degen aıyptalyp, sottalyp jatqan kezde eks-sheneýnikke qatysty úkimdi jeńildetý jáne apellıatsııalyq satyǵa berý úshin odan 100 mln teńge kóleminde syıaqy surap, artynan ıemdengen.

«Sottalýshynyń kinási kýágerlerdiń aıǵaqtarymen, saraptamalardyń qorytyndylarymen, jasyryn tergeý áreketteriniń nátıjelerimen, beınejazbamen jáne qylmystyq is boıynsha basqa da materıaldarmen dáleldendi», - delingen úkimde. 

Degenmen sottalýshy kinásin moıyndamaǵan, al onyń qorǵaýshysy sottalýshyny aqtaýdy suraǵan. 

«Aýyrlatatyn mán-jaı anyqtalǵan joq. Sot úkimimen alqabıler sotymen G. QK 24-babynyń 3-bóligi – 190-baby 4-bóliginiń 2) tarmaǵy, 28-babynyń 4-bóligi – 367-babynyń 4-bóliginde kózdelgen qylmystyq quqyq buzýshylyqtar jasaǵany úshin kináli dep tanylyp, qylmystar jıyntyǵy boıynsha (QK-niń 58-baby) 10 jylǵa bas bostandyǵynan aıyrýǵa sottaldy», - dep jazylǵan sot úkiminde. 

Sot úkimi zańdy kúshine engen joq. 

Eske sala ketsek, Qýandyq Bıshimbaevtyń jazasyn jeńildetýge ýáde etken Astana turǵynyna qatysty tergeý bıyl tamyzda aıaqtalǵan edi.