Qýandyq Bıshimbaevtyń bostandyqta júrgeni ras pa

<p>ASTANA. KAZINFORM &ndash; Áleýmettik jelide sottalǵan eks-sheneýnik Qýandyq Bıshimbaevtyń abaqtydan qashyp ketkeni týraly aqparat tarady. Іshki ister mınıstrligi Qylmystyq-atqarý júıesi komıteti jelidegi jazbaǵa resmı jaýap berdi.&nbsp;</p>

«Áleýmettik jelilerde sottalǵan Q. Bıshimbaevtyń qashqany týraly jalǵan aqparat taralyp jatyr. Bul shyndyqqa janaspaıdy. Sottalǵan azamat qaýipsizdigi eń joǵary mekemede jazasyn ótep jatyr», - dep habarlaıdy komıtettiń baspasóz qyzmeti.

Osy oraıda Qylmystyq-atqarý júıesi komıteti azamattardy jalǵan aqparattardy taratpaýǵa jáne tek resmı derekterge senýge shaqyrady. 

«Osy iske qatysty jalǵan aqparatty taratý boıynsha qylmystyq is qozǵalǵanyn jáne kináliler jaýapqa tartylatynyn habarlaımyz», - dep eskertti komıtetten. 

Eske salaıyq, elorda soty burynǵy Ulttyq ekonomıka mınıstri Qýandyq Bıshimbaevty áıelin azaptap, óltirgeni úshin kináli dep tapty. Ol 24 jylǵa bas bostandyǵynan aıyryldy. 

26 maýsymda apellıatsııalyq sot alqasy Q. Bıshimbaev pen B. Baıjanovtyń úkimin ózgerissiz qaldyrdy.