Qýandyq Bıshimbaev túrmede qandaı jumys isteýi múmkin

<p>ASTANA. KAZINFORM &ndash; QR ІІM Qylmystyq-atqarý júıesi komıtetiniń tóraǵasy Teńizjan Jánibekov burynǵy mınıstr Qýandyq Bıshimbaev túzeý mekemesine ótkennen keıin qandaı jumys isteýi múmkin ekenin aıtyp berdi.</p>

«Ol jazasyn qaýipsizdigi barynsha joǵary mekemede óteıtin bolady. Eń aldymen 15 kúndik karantınge túsedi, biz ony qarastyramyz», - dedi komıtet tóraǵasy Ortalyq kommýnıkatsııalar qyzmetinde ótken baspasóz máslıhatynda.

Teńizjan Jánibekov Q.Bıshimbaevtyń jumysqa ornalasýy sol jerde sheshiletinin atap ótti. Dálirek aıtqanda, ol aǵash óńdeý boıynsha jumysqa ornalasa alady.

«Jumysqa ornalasýǵa kelsek, ıá, biz sottalǵandardy jumysqa ornalastyramyz. Bizdiń óndiristik aımaqtarda ártúrli jumys bar. «Eńbek» RMK-da aǵash óńdeý, metall óńdeý baǵyttary boıynsha jumys taba alady. Munyń bári qaı jerde jáne qandaı bos jumys orny bolatynyna baılanysty. Árbir mekemede jumysqa ornalasýmen tikeleı aınalysatyn jumyspen qamtý bólimi bar», - dep tolyqtyrdy Teńizjan Jánibekov.

Jýrnalıster QAJK basshysynan Q.Bıshimbaevtyń jazasyn qaı túrmede óteıtinin surady.

«Ol jaqynda Astana mańyndaǵy aýmaqta qaýipsizdigi eń joǵary mekemege túsedi. Biz 93-bapqa sáıkes týystaryna, sondaı-aq múddeli tulǵalarǵa, advokattarǵa habarlaýǵa quqyǵymyz bar. Sondyqtan biz osy formattaǵy aqparatty múddeli tulǵalar úshin beremiz», - dep tolyqtyrdy komıtet basshysy.