«Kýáger» — Prezıdent Teleradıokesheniniń jańa derekti fılmi

<p>ASTANA. KAZINFORM &mdash; Qazaqstandyqtar Qańtar oqıǵasyndaǵy kútpegen betburystardy, eldiń ondaǵan qalasyn qamtyǵan narazylyqtardy qalaı sıpattaıdy jáne qalaı esine alady? Bul týraly Prezıdent Teleradıokesheniniń jańa derekti fılmi &laquo;Kýáger&raquo; baıandaıdy, dep habarlaıdy Kazinform.</p>

Túsirilim toby Qazaqstannyń 11 qalasyna (Almaty, Alataý, Taldyqorǵan, Atyraý, Qulsary, Aqtaý, Jańaózen, Aqtóbe, Qyzylorda, Shymkent, Taraz) bardy jáne 60-tan astam suhbat jazyp aldy.

Foto: «Kýáger» derekti fılminiń kadry

Úsh jyl ótse de, emotsııalar áli bar, estelikter umytylmaǵan. Egde jastaǵy qazaqstandyqtar qaıda bara jatqanyn bilmegen jastar úshin alańdaǵanyn aıtady.

— Kóliktermen kelip, syra taratty…, — deıdi kýágerlerdiń biri.

Foto: «Kýáger» derekti fılminiń kadry

Almaty turǵyny dúken terezesin tesip ótken oq izderin kórsetedi. Al basynan jaraqat alǵan jas hırýrg búginde jasandy plastınamen ómir súrip jatyr.

Foto: «Kýáger» derekti fılminiń kadry

Bir áıel qanǵa boıalǵan Qazaqstannyń týyn taýyp alǵan. Bul onyń erkindik pen beıbit ómirdiń baǵasy retinde saqtaıtyn eń qymbat esteligi bolyp qalmaq.

Fılmdi búgin, 5 qańtar kúni, saǵat 15:05–te Jibek Joly telearnasynan tamashalańyzdar.

Foto: «Kýáger» derekti fılminiń kadry

Derekti fılmniń tolyq nusqasy Prezıdent Teleradıokesheniniń YouTube arnasynda da jarııalanady.