«QTJ-Júk tasymaly» Shymkent fılıalynyń basshysy para alǵany úshin ustaldy
Bul týraly Qazaqstan Respýblıkasynyń Sybaılas jemqorlyqqa qarsy is-qımyl Agenttiginiń Shymkent qalasy boıynsha departamenti basshysynyń mindetin ýaqytsha atqarýshy Dáýren Erǵarın málimdedi, dep habarlaıdy QazAqparat tilshisi.
Shymkent qalasy boıynsha Sybaılas jemqorlyqqa qarsy kúres salasynyń mamandary «QTJ-Júk tasymaly» JShS Shymkent fılıalynyń basshysyna jáne onyń qaramaǵyndaǵy birqatar qyzmetkerge qatysty sotqa deıingi tergep-tekserý júrgizýde.
Olar poezdardy qabyldaýshy, kassır, vagondardy tekserýshi-jóndeýshi jáne taǵy basqa laýazymdarǵa jumysqa ornalasý úshin júıeli túrde para bergeni jáne alǵany úshin áshkerelengen.
«Sotqa deıingi tergeý jalǵasýda. Ózge aqparat jarııa etýge jatpaıdy» - dep jazdy Dáýren Erǵarın áleýmettik jelidegi paraqshasynda.